下禮拜一係香港首位華人檢察官余叔韶嘅八十四歲牛一，適逢今年係二戰結束六十周年，八方同呢位法律界前輩講起抗日舊事，可以話係「淚中有笑」。余叔韶喺香港出世，日軍入侵時返大陸避難兼從軍，跟過李柱銘爸爸李彥和將軍做秘書。
嗰陣時，余叔韶作為華人，喺香港被英國人歧視；返到大陸，作為華仁書院英語教育成材嘅畢業生，又被大陸人歧視，同僚話佢係洋奴，因為佢識英文多過中文。於是余叔韶努力學習國語，終於獲得同僚嘅接受，其後余叔韶更加將佢喺華仁讀書時候學到嘅課外知識傳授畀同僚。究竟係乜嘢課外知識？巴閉囉，跳舞啦、捉棋啦，連賭錢都教曉埋班大陸同胞，可以話係香港資本主義感化祖國嘅先驅。
傳真︰2623-9278
電郵︰[email protected]