楊采妮昨日在尖沙嘴出席鑽飾活動，佩戴總值四百多萬的鑽飾。楊采妮正努力儲錢，計劃與梁詠琪（GiGi）在內地開一間小學，並開玩笑說校名叫「妮琪小學」，她說不少藝人好友對她倆的計劃大表支持，答應學校建成後會義務教唱歌。
楊采妮（Charlie）昨日在尖沙嘴出席周生生「SparklingKiss」鑽飾活動，同場有名模如樂基兒和李嘉慧等示範鑽飾。采妮昨日佩戴了總值四百多萬元的鑽飾，她笑言如戴了一層樓上身，並表示自己常把母親的鑽石、翡翠及珍珠珍藏DIY從新設計，一來可滿足她的設計慾，又可擁有獨一無二的首飾。
幫助貧苦兒童
談到收鑽石，楊采妮謂從沒收過男性送鑽石，問她將來求婚的戒指要有多少卡數才肯嫁？楊采妮說：「結得婚嘅就即係好鍾意呢個人，幾多卡都肯啦。」問她感情狀況如何，她說：「我好唔敏感，要對方好直接同我講『Charlie我好鍾意你』先收到嘅。」采妮透露她與梁詠琪（GiGi）計劃在內地開一間小學，幫助貧苦兒童，並說笑校名叫「妮琪」，楊采妮說：「我係聯合國兒童大使，跟過佢哋去好多貧困地區探望學童，見啲小朋友連讀書嘅機會都冇，香港啲小朋友就幸福到有學都唔返。」
好友義務授課
問楊采妮要多少錢才可開一間小學？她說：「幾十萬到一百萬都得㗎啦，好多藝人朋友知我哋有呢個計劃，表現好熱心，話學校起得成之後會上嚟義務授課、教啲小朋友唱歌。」
採訪：JessicaNgan攝影：RickyChan
