點先至係「愛國」？舊年「愛國論」風波搞咗一輪都冇乜人畀到權威嘅答案我哋，所以八方都唔係好知邊個最愛國，之但係邊個最鍾意講愛國，人大常委曾憲梓認咗第二，都冇乜邊個敢認第一。佢噚日同八個從內地嚟嘅學生真情對話，不斷提點對方「為國家服務」、「要終身報答祖國」。呢班學生來自湖北，品學兼優，但家境貧困，曾憲梓即刻自掏腰包，向佢哋每人發放二千蚊，資助吓對方嘅學業。
曾人大同班後生仔講，即使家貧亦唔好氣餒，要有理想，甚至幻想都得；又要「天天做、天天想、天天總結自己」，曾生當然亦同班同學仔講「愛國」，佢話祖國富裕，就要靠全民努力，所以要做個對祖國有用嘅人，要「愛祖國、愛家庭、愛自己」。嘩，你話厲唔厲害？
傳真︰2623-9278
電郵︰[email protected]