一名九歲男童日前在屯門一髮型屋剪髮時被剪傷耳朵，傷口長達半吋。男童家長投訴髮型師疏忽，令兒子無端飽受皮肉之苦，更不滿是髮型屋職員聲稱「呢啲事好閒，成日都有」。
男童家長周女士稱，其丈夫於上周六中午，帶兒子到井財街一間名為「HAIR」的髮型屋剪髮，髮型屋職員為其子洗頭後，安排一位女髮型師為兒子剪髮，當時其夫已感髮型師工作態度欠認真，經常在剪髮期間和他人閒談，其夫初時仍不以為意，可是稍後竟聽到兒子的叫喊聲。
左耳傷口長達半吋
「我先生一睇，見個仔嘅左邊耳仔不斷流血，佢又驚又痛，原來個仔嘅耳珠被剪開，傷口有成半吋長，要即刻同佢止血。
之後我先生通知我，我哋重call（召喚）白車，不過因為驚急症室人多要等，我哋帶個仔去睇私家醫生，好彩阿仔唔使縫針，但就要敷藥。」
不過，更令周太不滿的是髮型屋職員態度，「職員整傷人已經唔啱，我哋最初要求解釋，佢哋竟然重話『呢啲事好閒，成日都有，使唔使咁緊張，最多唔收你錢』，講埋呢啲說話，好唔負責任！」
「HAIR」髮型屋發言人吳先生回覆本報查詢時承認，上周六一位小朋友在髮型屋剪髮時受傷；他強調，事件純屬意外，髮型屋開業兩個月，從未有過同類事件發生，小朋友家長不滿職員所言，應只是雙方於言語間產生誤會。
純屬意外檢討事件
吳先生稱，髮型屋已購買保險，小朋友家長可提供有關醫療費用收據及其他資料，髮型屋會轉交保險公司跟進；亦會檢討事件，避免同樣事故再發生。（○八一七○○一）
意見：可循民事程序索償
法律界人士梁永鏗稱，若髮型師並非蓄意，只是一時疏忽令客人受傷，事件不涉刑事成份，如髮型屋或髮型師拒絕負責，客人可循民事程序索償，如入稟小額錢債審裁處，索回醫療費用以及傷痛賠償。
服務熱線
電話：29908288
傳真：23702192
電郵：[email protected]