會考放榜之後，代理行提供唔少機會畀應屆畢業生。世紀21今個禮拜六、日，參與青年就業及教育博覽，活動會喺將軍澳東港城商場舉行。 當日會有一個講解代理行業嘅講座，聽講座有精美禮品收，又有機會即場面試，共有四十個前線及後勤職位。 世紀21行政總裁吳啟民話，佢哋一向積極培育年輕人，今次除咗希望吸納應屆會考生外，都好歡迎大學畢業生。