Hansome任職領隊12年，專飛澳洲、地中海、埃及等線，而南非就「去極都唔厭」。老套地講，Hansome愛南非風光明媚、歷史背景豐厚；真心話就是愛「伏」動物，現在至12月都啱出海睇鯨魚、一年四季都可到野生動物園靜候動物出沒。不過愛還愛，南非治安之差，是僅次於紐約的。試過旅遊巴司機不肯開OT接他跟團友們，但遠道而來，不讓團友多玩一會實在可惜，坐公車又危險，於是索性自掏腰包請團友搭的士回酒店。
記者：陳慧敏
Hansome醒醒你：出門前影印定Passport
呢樣嘢好多人都知，不過就好少人會做。就係出門前影印定啲Passport同身份證明文件，放喺香港嘅屋企人手。南非治安始終唔太好，一但遺失了Passport，如果可以攞到呢批影印本，好快就可以搞好出境手續返香港。另外，遊南非好易曬傷，當地出品的蘆薈面膜非常有效，價錢又平，敷一塊就舒服晒。