考評局最近搞出個大頭佛，英文科口試計錯分，果真係強政勵治福為民開，搞到一群應屆會考畢業生好似慌失失奇兵，真係為呢班莘莘學子同廿四孝父母悽慘。自古有話，書中自有黃金屋，呢句金石良言，當然唔會有人反對，但決志踏出社會做事嘅會考生，其實一樣可以行行出狀元，例如做經紀賣樓，保證唔怕計錯分。
話說由今日起，周六、周日及月尾三十一號四日，香港置業喺港九新界連環出擊，舉行大型招聘會，為有志投身地產行業嘅人士同埋應屆畢業生，提供就業機會，職位包括有見習物業顧問同埋物業顧問，又有後勤人員。如果有興趣，今日可以先去「樂群就業招聘會」，喺小西灣藍灣廣場地下，十一點至四點，咪遲到呀，否則蔣震都幫唔到你。
爆料熱線：29290000、27860099
報料傳真：26239278
報料電郵：[email protected]