深井即將有新盤開賣,經驗豐富嘅炒家,開始喺附近物色低水單位短炒。 晉誠胡卓輝話,買開荔枝角美孚新邨嘅老牌炒家,近期一次過買咗五間青龍頭豪景花園,專攻樓價百萬以下嘅細碼,貪釐印平,成本低,夾埋只不過四百四十幾萬,諗住起碼賺兩成。呢個炒家買入嘅,全部都係五百幾呎細單位,樓價八十二萬幾至九十六萬幾,平均呎價一千六百幾,部份比市價低五至八巴仙,有一間係銀主盤。