榴槤有果王之稱，但其「飄香」唔係人人識欣賞，鍾意嘅，可以成世對住都唔厭。形容邱生邱太兩夫婦，改編陳奕迅名曲《幸福摩天輪》這句歌詞：「天荒地老榴槤（留連）在摩天輪……」就最貼切。皆因兩公婆又恩愛又喜歡吃榴槤，還開了全港首間以榴槤作主題的甜品屋！
記者：梁學文
攝影：伍慶泉
Model：Katrina
開過8千個榴槤
新開張兩個多星期的榴槤屋甜品店，位於大埔墟新街市，每日製作二十多款以榴槤為題的甜品，大部份甜品都有榴槤做餡。事頭婆兼師傅的邱太曾經到新加坡，跟當地的甜品師傅學做甜品，擁有超過十年製作榴槤甜品經驗。據邱太的非正式統計，至今她已開過超過８千個榴槤：「在過去十幾年，我大大話話都開過8千幾個榴槤，當然有大有小。我在新加坡就曾經創過一項健力士紀錄，開過一個巨型榴槤。」但已是十多年前的事，年代太久遠，邱太已忘記這個榴槤有多大了。
三分鐘開一個
開了這麼多榴槤，邱太開榴槤都可以算是專家，她說一般人開榴槤時會用大刀用力死斬力劈，令榴槤皮也劈入肉中，影響了肉的質素。而邱太的技巧是「刀仔鋸榴槤」，用刀仔順着榴槤的天然裂口慢慢切開，不消三分鐘就開到，又不會影響榴槤的肉質，加上她選用泰國入口的金枕頭，所以做出來的榴槤甜品質素有保證。老闆邱生負責樓面和對外：「我以前不吃榴槤，不過吃過太太做的甜品後，一吃就愛上！」雖然他們專賣榴槤，榴槤飄香，卻絕不會影響周圍的鄰居。原因是他們的抽風系統完備，連在隔鄰店舖工作的也表示聞不到榴槤味。
其實早在十年前，他們已經在新加坡的克拉碼頭開過榴槤屋甜品店，今次回流香港，大膽嘗試開創榴槤主題甜品屋，希望港人接受。他們計劃在不同的季節和時令推出不同的甜品，如在中秋節，他們就會推出榴槤冰皮月餅。
榴槤班戟$8
榴槤屋的招牌甜品之一，和一般的榴槤班戟不同，這裏的榴槤班戟是脆皮的，即叫即煎，保證上枱時外皮脆卜卜，內裏榴槤肉冰涼，可謂皮脆肉滑，一冷一熱的口感極佳。這款榴槤班戟在新加坡推出時，日賣200個，證明非常好味。
星米糍$20/3粒
外形和糯米糍相若，不過口感和味道就與眾不同。一般的糯米糍皮較為煙韌，而星米糍則彈牙，薄薄的皮包着厚厚的榴槤肉，冰冰凍凍非常香口。而且是全港獨家，一定要試試。邱太表示：「包星米糍很花工夫，特別是搓皮的時候，又要薄又要彈牙，少點心機也不行。吃時最好雪凍，榴槤味更佳。」
榴槤蛋糕$15
邱太：「這個榴槤蛋糕做法雖然和一般蛋糕差不多，都是把新鮮的榴槤肉加入自家製的忌廉當中，令蛋糕含有新鮮的榴槤味。」為了增加蛋糕的香味，邱太會選用香味較重的榴槤。蛋糕入口軟滑，自家製的忌廉亦香滑，味道香甜。
榴槤飄香（後）榴槤西米露（前）各$15
西瓜西米露，蜜瓜西米露就食得多，榴槤西米露就第一次試。椰汁味加上榴槤味，相當配合。西米露味道較清淡，所以要先試這款，再試其他味濃的甜品。而榴槤飄香外形就似腐竹糖水，不過味道就絕對比腐竹糖水豐富。
榴槤珍多冰$15
珍多冰是新加坡特色冰冰之一，用紅豆、珍多條和百塔子等材料，再加入椰汁製成。珍多冰紅紅綠綠，顏色鮮豔賣相吸引。入口冰冰涼涼，又有豐富榴槤味，清涼解渴。飲時記得撈勻所有材料，才是最正宗吃法。再配合他們的喇沙，味道就真是一絕。
榴槤卷$15
以法式的薄餅皮，包着極品的榴槤肉，再配以自家製忌廉，入口香滑。別以為細細的一卷不值$15，因為榴槤卷用上精選的榴槤肉，肉質是最好的，絕對物有所值。
新加坡娘惹喇沙$20
「娘惹喇沙」是榴槤甜品外的選擇，亦是他們招牌菜之一。邱太在新加坡跟師傅學習古法炮製正宗喇沙，絕對有正宗馬來西亞風味。喇沙是由九種材料製成，材料有香茅和黃薑等，歐太要花上兩日準備湯底的材料，極花心思，陣陣椰漿及香茅味道，勁香！這裏的喇沙最大特色，是用上新加坡入口喇沙葉，令喇沙更原汁原味。吃時配上秘製的辣醬，味道一流。
食客有Say
榴槤屋甜品店（97737388）
地址：大埔墟新街市2樓34號舖
座位：約30個
營業時間：10:00am-9:00pm