港大民意研究計劃噚日公布最新十大議員評分，喺今日煲呔嘅「強政勵治」之下，十大議員評分報跌就預咗㗎啦，除咗排第三嘅田少升咗少少之外，由排第一嘅范太到排第尾嘅長毛都跌。有民主女神之稱嘅余若薇，更跌出十大之外！但最神奇係，最近飽受黨內外醜聞困擾嘅民主黨主席李永達，無端端打入十大，重排第五，高過晒卿姐、馬丁同曾鈺成。
民意研究計劃主任鍾庭耀解畫，就話余若薇跌出榜，因為佢喺調查期間，認知度不入十大，所以跌出榜；達仔嘅認知度就大升，所以可以進入十大。但八方奇怪，達仔或者因為選完特首，加埋日日為涂謹申解畫，人氣急升，打入十大重講得通，但余若薇認知度，有乜理由咁低先得㗎？
爆料熱線：29290000、27860099
報料傳真：26239278
報料電郵：[email protected]