行將卸任的亞洲小姐冠軍呂晶晶，昨日聯同特區賽區九位候選亞洲小姐在亞視總台，為今日出發的西安親善之旅進行拜神儀式。
呂晶晶昨日以紅色低胸緊身裙亮相，營造迫爆效果，比起一眾只穿背心及牛仔褲的佳麗明顯勝一籌，輕易成為全場焦點。被問到對哪一位佳麗印象較深刻時？呂晶晶選了1號王婧及4號劉曉琴。
入坑拍攝
呂晶晶說：「我覺得王婧好可愛、皮膚又好好，劉曉琴嘅身材同高度都好吸引人，佢哋初次面試時，我有份擔任評判，經過包裝之後，今日見番佢哋已經好唔同。」
此外，亞視高層葉家寶表示，目前仍在爭取到兵馬俑拍攝泳裝片段，他說：「內地已經批准我哋入坑拍攝，以往世界小姐喺西安拍攝都唔准入坑，今次亦會以高規格接待亞洲小姐。」
採訪：卓美娟 攝影：陳慧安
