聽日就農曆七月十四，係一年一度嘅中國鬼節，去夜街或唔去街嘅你，會唔會有非常經歷呢？等我用一個集靈異、色輪學、心理及塔羅於一身嘅遊戲，預測你會唔會俾「朋友」睇中！
文：Justin
圖：Luckycloverland
1.噚晚有無發夢？
A.發噩夢
B.瞓唔好
C.好夢、無夢發
2.返工時，你會揀邊種顏色衫？
A.黑色內褲
B.黑色衣服
C.其他顏色衣服
3.有無試過無㩒升降機，佢會自動到達，開門畀你搭？
A.返工或日落前
B.日落後或返歸途中
C.入升降機時講唔該
4.心裏問「我今日嘅運程」後，響以下3隻塔羅牌中，選出1隻。
5.日落後，有無機會經過公園？
A.11:00pm前
B.11:00pm後
C.無機會經過
解碼：
1.）A.20分 B.10分 C.0分
噩夢、瞓唔好，都係精神困擾、壓力大嘅象徵；腦電波又弱又亂，好容易接通「天地線」。
2.）A.30分 B.10分（每件） C.0分
黑色畀人黑暗、陰沉嘅感覺；七月十四着黑衫，凸顯你同「朋友」見面嘅誠意。同時，底褲位於丹田，屬紅色，代表生命力、旺氣；如果選擇着黑色內褲，會埋藏你嘅生命力，吹掉旺氣，如同跟「朋友」們同一鼻子出氣。
3.）A.10分（每次) B.30分（每次) C.扣2分（每次入升降機)
無錯，佢哋選中你，為你服務！如果係返工或日落前遇上，佢哋只係偶然為你服務，唔能夠跟貼你。如果係日落後或返歸途中遇上，你可能會享有佢哋跟你返歸後嘅一條龍表演服務。
4.）選擇太陽，你運氣大好，有力量、有朝氣，連鬼都怕咗你！選擇權杖6，運氣OK，但「大節」當前，宜小心。如選擇月亮，牌中圖畫係「冥界之門」入口，代表你處於迷迷糊糊狀態！
5.）A.10分（每次)B.30分（每次) C.0分
經過公園時留意一下，尤其係花槽上、園圃中、角落頭或樹枝上，你可能會「有所發現」。
撞正指數：
將5題得分相加、減，會得出「七月十四」嘅幸運指數。
0-30分 平平安安度過，下次再撞過。
31-60分 五五波；想有非常回憶？再努力啦！
61-100分 做好心理準備，會有幾好嘅驚喜！
100分以上 鬼節Party預埋你，重要一晚走幾十場㖭！
天使密碼
感到有點呆？有點悶？有點憂鬱？又或有點憤怒？把一、兩滴佛手柑精華油滴在手帕上，不時嗅聞，會帶來愉悅的情緒。