明美連、廖碧兒及周汶錡等昨日在中環出席手袋品牌Mulberry的活動，女兒才半歲大的明美連，昨日透露意外再有喜，現時懷孕四個多月，周五便會往照超聲波，她更笑自己兩年抱兩。
英國手袋品牌Mulberry昨日假中環舉行預展，由名模樂基兒及陳嘉容等示範最新手袋，出席嘉賓包括明美連、廖碧兒、周汶錡、葉童及林峯等人。
繼續做牙醫
女兒才半歲大的明美連，昨日見她身形似仍未收身，問她何時再追第二個時，豈料她爽快地說：「係呀，又有咗，𠵱家四個幾月，星期五去照超聲波啦，不過BB係男定女我都冇所謂。」明美連表示這胎算是意外懷孕，她說：「個女兩個月大時我準備開始收身，點知就check到有咗啦，我啲朋友話有過（BB）就好容易再有，不過唔通有（BB）唔要咩？」
明美連續說：「人哋話三年抱兩，我就兩年抱兩。」問她會否因要專心湊BB放棄牙醫工作？她說：「一定唔會，我唔想淨係留喺屋企做湊仔婆呀。」
開旅行戶口
另外，葉童早前隨一班名人好友往帛琉遊玩，之後她與丈夫留下過二人世界，她昨日戴着在當地買的頸鏈出席，她說：「個trip真係好好玩，我同老公決定以後每年最少要去一次二人世界旅行，返到香港重即刻開咗個旅行戶口㖭，同埋我哋計劃年尾再去潛水，所以添置咗好多潛水器材。」
採訪：RitaLeung
攝影：ChenWaiOn
