內地港商要為女工驗孕 - 李八方

  內地港商要為女工驗孕 - 李八方

工總副主席劉展灝噚日同記者食飯,介紹吓佢哋下月中舉行四十五周年慶祝活動嘅籌備工作,屆時將喺會展設宴,筵開百席,熱鬧一番。
佢哋又會喺今個月底北上拜會中央部門,同時反映一吓港商嘅近況。聽佢介紹,國內設廠嘅港商做生意一啲都唔易,除咗要顧住盤生意外,更要盡社會責任,好似最近兩個月東莞就有新規例,要廠商協助國家落實執行一個孩子嘅生育計劃,每一季都要安排女工驗孕,一旦發現所聘女工超生,廠商都有責任,會被罰款!
重有,廠商又要為國內殘疾人士創造就業機會,九月起東莞要廠家每聘請一百人,就要包括聘用一點五名殘疾人士,佢話都唔知喺邊度搵到呢班殘疾人。


爆料熱線:29290000、27860099
報料傳真:26239278
報料電郵:[email protected]