【本報訊】考評局雖就計錯分事件作出補救措施，但仍難平息考生的怒火，不少考生昨在網上新聞組繼續狂轟該局，批評免費覆核英文科口試成績只是小恩小惠，又指該局不負責任，「唔係任何事都有機會補鑊！」有市民不滿考評局只推出兩名中層職員孭鑊，要求考評局高層作出交代。
連年出錯制度不改
現時英文科口試沒有錄音，考評局所謂覆核，實際只是再審核有否計錯監考官的評分，有考生在網上留言指「最多只可對有冇錯分，年年都係咁，唔改個制度，只畀啲小恩小惠大家有乜用？」
有考生不滿考評局連年「有錯認錯，認完再錯」，「考評局啲人無腦㗎！唔係任何事都有機會補鑊！醫生醫死人又叫人畀次機會？殺人犯又話唔小心殺咗人叫法官唔好要佢坐監……所有收生程序都已結束，你又可以點補償番畀我哋啲考生？」
局方信譽瀕臨破產
在昨日商台節目《在晴朗的一天出發》中，曾負責處理國際考試的聽眾李先生認為，考評局指事件是人為疏忽的講法不能成立，「最高負責人係邊個呢？佢應該交代，唔應該以人為錯誤就算數。」
不少考生及家長都不相信錯誤只限於英文科，顯示考評局的信譽臨近破產、公信力跌至掃地。
家長吳先生指其女兒的會考經濟科成績低於校內成績，懷疑計分出錯，他認為考評局應給家長免費覆核所有試卷。
考評局早前獲准增加○六年高考及會考費，有考生借事件反加費，「咁嘅質素重要加價，同㩒住嚟搶有咩分別？」