汽車專題：新低價豐田Prado比房跑車更慳油

在四驅越野車界當中，豐田Prado源於LandCruiser車系因而早已為車迷所認識，講性能同耐力更跟唔少歐洲品牌平起平坐。早前代理為要吸引用家，引進入門版的Select型號，以其38萬8千的賣價作招徠，事隔大半年，代理又因應市場將Select版的Prado售價再下調至唔到34萬，今次代理安排筆者作四日三夜的Long-termTest，發覺除實用性外，其耗油量竟比2,000cc房跑車更慳油！
記者：陳偉林
攝影：陳偉強

揸車感覺高高在上

看上去，這部LandCruiserPradoSelect的車身前後都裝有原色黑膠泵把，外表唔係咁討好，不過卻給人有另一番粗豪的新感受，加上時下大興這類CitySUV車，筆者揸住部Prado穿梭於大街小巷，倒有高高在上的自豪感。對比起平日筆者駕着自家有七年車齡的「錢七」代步，跟一眾駕駛者平起平坐，鮮有被禮待讓路的機會，但今次身處Prado內，高高在上，視野大大擴闊，感覺的確大不同。

原廠魚眼鏡減盲點

後備輪胎
■除兩旁直立式車燈組合，門外亦掛有後備輪胎。

■左右門邊都有門枕腳踏，方便乘客進出車廂。

■左頭燈旁輔有原廠魚眼後鏡，大大減少盲點。

■車身兩旁特大門邊電鏡配搭，睇位尚算方便。

每公里$1.5耗油低

油價又攀升，要是筆者想擁有一輛CitySUV車，真係畀得首期來，又畀唔到日常入油的開支。但PradoSelect版所採用的一台4.0公升V6引擎，輸出反應真係強而有勁，感覺較日常駕駛2.0公升或1.5公升家庭車好唔同，新一代Prado改換上5前速自動波箱之後，粗略計算今次Long-termTest幾日的平均耗油量，亦不過每公里$1.5上落，耗油量比2,000cc或裝有Turbo的房跑車更慳油。
呢部PradoSelect版重有其過人之處，就係Off-road用的恒式四驅，加上主動式循迹A-TRC、上斜起動輔助用的HAC，又有下坡輔助用的DAC控制裝置，單看這些先進配套，又豈止一般轎車可比擬！

■四日三夜Long-termTest行走近770公里，給筆者對PradoSelect版有更深認識。

■夜幕下的豐田PradoSelect新版，既有SUV車的剛性，又有另類MPV實用性。

3排7座令筆者心動

當時下這類CitySUV車大多回復傳統2排5座位鋪排之際，豐田Prado仍依舊採用3排7座位組合，雖然Select版只得絲絨包裝，但貼服的乘坐感同出色的承托力，筆者已經全程感受到。載上攝影師後，需要擺放沉重器材時，將後排收摺起，中排向前覆摺，差不多可騰出多一倍的尾廂空間，用途之大實在令筆者心動！

車廂載物空間足夠

■前後三排都用上高級絲絨，前排更以仿桶形剪裁，夠晒貼服。

■中排左右座椅可獨立收摺起，以方便後排乘客出入。

絲絨仿桶

■後排座椅可以左右獨立收摺起，以騰出近倍的尾廂空間。

■前排之間大型手枕內設有儲物匣，還有雙杯座組合。

唔Hi-tech勝在實用

■四幅式軚環有不俗手感，轉向輕巧準繩。

■5前速自動波箱前方裝有下坡用DAC開關，落急斜更安全。

差速開關
■波箱前方另有中央差速鎖開關，應付更惡劣的Off-road環境。

■傳統不過的四圓表板陳設，易於閱讀。

■雖然中控台配備唔算High-tech，但就有齊6碟CD、頂置時計等裝備。

■表板旁另備門邊電鏡、車頭燈高低及霧燈等開關。

同級SUV推介

現代Terracan

點睇：套用上舊版三菱Pajero底盤及傳動，越野性能毋庸置疑，裝有3.5公升V6引擎（馬力200匹），輸出雄渾之外，車價吸引。
車價：$239,800

雙龍RextonRX320

點睇：新一代富歐陸風味的韓式四驅RV車，用上一台沿自平治的3.2公升V6引擎（馬力220匹），連帶底盤、傳動設計亦多為平治出品。
車價：$288,000

ToyotaLandCruiserPradoSelectSpec.

引擎：3956ccV6DOHC
馬力：243ps/5200rpm
扭力：38.4kgm/3800rpm
傳動：5前速自動波，恒式四驅
懸掛：（前）雙搖臂（後）四連桿
制動：（前）透氣碟（後）透氣碟（ABS）
輪胎：225/70R17BridgestoneDuelerH/T
尺碼：4810×1790×1850mm
軸距：2790mm
車重：1870-2030kg
平均耗油：8.1km/L（日本10.15模式）
車價：$338,295
車輛提供：皇冠汽車（28661020）