成龍、許冠文及劉德華前晚擔任徐小鳳個唱嘉賓，成龍獻唱韓文歌時，有觀眾忍不住大笑，小鳳姐亦掩嘴偷笑，後來她表示要唱印度歌娛賓，實行幽成龍一默。
徐小鳳一連二十二場的《金光燦爛徐小鳳演唱會2005》前晚在紅館演唱最後一場，劉德華、成龍與許冠文等都往捧場，並被小鳳姐邀請上台獻唱，昨晚則舉行補唱一場。
成龍受韓流影響，演唱韓文歌，但觀眾聽不慣，加上他唱得投入，情景搞笑，有觀眾忍不住哈哈大笑，連小鳳姐都掩嘴偷笑。成龍唱罷不捨地落台，小鳳姐還幽默地說：「頭先佢唱咗一首大家都唔明嘅歌，我都有一首，呢度有冇印度嚟嘅朋友？我有首印度名曲《心裡的火花》。」小鳳姐遂把國語歌唱成印度歌。
「想抽脂同整大對眼」
到許冠文獲邀上台，小鳳姐請他跳探戈，但被婉拒。小鳳姐請他唱歌，許冠文則說：「華仔先唱得好，頭先成龍都係博懵。」他又謂認識的圈中人中，小鳳姐沒經改裝，他說：「我唔贊成整容，怕子孫執骨時，側邊多咗好多塑膠。」小鳳姐說：「我有問朋友，想去抽脂同整大對眼，但冇勇氣，希望大家接受我呢個殘殘哋嘅小鳳樣。」豈料許冠文說：「唔使搞，第時你子孫執骨咪冇嘢囉。」小鳳姐即拉起裙襬說：「睬過你。」
到華仔上台，他調皮地表示最想躲在小鳳姐的波波裙底，小鳳姐叫他做華哥並說：「我冇着底裙，唔得呀！」小鳳姐表示想看華仔跳西班牙舞，他乘機宣傳新國語碟，小鳳姐遂幫手宣傳，不過最後小鳳姐說：「你點都要唱嗰首有你有我有情有山有水有樹。」
此外，慶功宴上小鳳姐被問到個唱最難忘事時說：「我好緊張，積埋積埋搞到中段失聲，幾瘀，又難忘，係美中不足，我畀自己八十分。」小鳳姐稍後將與張栢芝合演新戲，她說：「我肯拍呢齣戲唯一條件係如果到時我肥番就唔拍。」
採訪：胡比 攝影：仇志德
