劉德華昨日於觀塘apm舉行新大碟簽名會，整個商場擠滿了到場支持的歌迷。大會更安排了不同國籍的女性，用不同語言向華仔說我愛你，華仔則向美籍美女索取電話號碼，全場即時起哄。
劉德華昨日到apm舉行「apm×劉德華再說一次．我愛你起動日」，大會先安排幾位韓國及印度小朋友用他們的母語向華仔說「我愛你」，而接着上台的是一名美國籍美女，華仔一見對方竟即場以英語向她索取電話號碼，引來全場歌迷起哄。
婆婆攬着不放
之後來自日本、捷克及巴西等地的代表分別上台，各人都有與華仔擁抱，而中國代表不是少女而是一位婆婆，婆婆在台上多次攬着華仔不放，且不停向他說：「劉德華，我愛你呀！」場面十分搞笑。事後問華仔為何只向美籍美女索取電話號碼？他笑說：「我未睇到後面重有咁多個上台㗎，𠵱家我個個都想攞，但係點樣婆婆都係首選。」大會還送上一把大葵扇給華仔，希望他早日找到一個好老婆，華仔即指着所有fans說：「呢度全部都係我老婆。」
據知華仔的國語大碟十日內全亞洲的銷量已邁向一百萬張，並再追加一百萬張，華仔表示若有百五萬至二百萬張銷量會舉行慶功，他說：「𠵱家已經開始計緊數，應該過咗一百萬，成績好的話我會搞巡迴慶功。」
未能合照激動
此外，昨日有一名女fans因未能與華仔合照而表現激動，華仔對此說：「呢個女fans話細個開始鍾意我，今次係佢第一次嚟簽名會，佢男朋友同佢一齊嚟，由於今日係冇安排合照，所以佢好唔開心，我叫佢打去我公司睇吓點樣補番同佢影。」而華仔離開商場時被fans伸手狂抓至手部受傷。
採訪：李珮洳
攝影：葉君海
