港股上周再升近400點，恒指向短期上升目標區15600至15800推進。由低位起計，恒指已上升接近2000點，理論上應有調整，但由於市底強，熱錢仍不斷流入，短期會將恒指再推高，未來的兩個禮拜，大市仍可看好。上周五油價又創新高，美股回落，今日港股有機會低開，回頭就要買貨。
大市已開展大升浪，「第一浸」的升勢已比預期為強，估計會升到8月底，先會出現一次較大幅度的調整，9月市勢會回落，鞏固完成後，10月開始再大升，一直到年底，恒指上升目標由16500到17500，那一個位到頂，視乎資金流向而定。
今個升浪，地產同電訊股已累積頗大升幅，短期大市要再進一步，會由大落後的滙控（005）做火車頭，事實上，滙控亦已升破長期降軌，轉勢已確認，短期上升目標132元，中線可見138元。
上周推介的滙控C輪，3777一日之內升27%，3821就要唞氣，呢隻輪重有10幾日就到期，確係有好多獲利貨，但滙控未來十日八日升3元，3821就有機會賺一個開。
內地資金不斷吸納
人民幣微幅升值後，資金繼續大舉流入炒作，傳聞升值第二波下個月就會出現，幅度仍然係2%。內地資金近期不斷吸納大型國企，中石化（386）同中國人壽（2628）係兩隻主力對象，中石化近日已講過，國壽在本月初推介時股價5.75元，現時升上6元水平整固，走勢已形成一個大圓底，6.10元係阻力，一衝破就確認大升浪，目標指向7元。
國壽會唔會升1元，根據中資嘅消息，機會唔弱。國壽好快就會宣布中期（去年係8月27日），聽講盈利會比市場所預期的超出好多，高盛最新嘅報告就調高國壽今年人民幣盈利預測2%，明年更調高17%。
國壽C輪可留意兩隻，3966同3524。3966上周五收0.59元，國壽若升0.30元，3966已值0.90元，升幅係50%。
3524係價外輪，上周收0.28元，認股價6.28元，國壽一破位上，就會貼近認股價，3524升勢亦會轉急，短期目標係0.44元，升幅有57%。
郭兆誠