諗起PMP，大家心目中可能都係諗起3.5吋芒嘅款式，不過ARCHOS最新推出嘅AV740，可能會令你從而改變印象，AV740擁有一個7吋大嘅26萬色螢幕，解像度高達720×480，個芒夠大又夠靚，睇片都睇得開心啲！
AV740支援MPEG4影片播放，而且可以透過電視機、DVD機、有線電視機盒等直接錄製影片，畀你拎出街行到邊睇到邊。AV740亦支援JPEG相片瀏覽，又可以透過微軟嘅PlaysForSure網站購買、下載、訂閱或租用受保護的影片同埋音樂內容，畀大家更多選擇。AV740內置40GB硬碟，作為一部多功能PMP嚟講叫做勉強夠用啦！雖然部機個螢幕夠晒份量，不過重量只係590g，厚度更加只有19mm，薄過好多細部嘅PMP㖭，買機重送埋一套汽車配件，俾你掛喺車度睇片，唔怕悶親乘客！
記者：梁瑋瑜
捷成洋行（29262320）