古巨基、劉德華、陳奕迅及容祖兒等昨晚在將軍澳電視城出席《勁歌金曲優秀選第二回》，眾人要以不同的學生制服示人，華仔、克勤及Twins齊穿童軍服扮成「A4」，合照時華仔被指取代了鄭中基之位，他笑說：「係呀，我係無賴嘛。」
問到着制服怕不怕有關團體不滿，克勤說：「個個都好端莊，我都買正統制服着，唔會玩得過份，我好多年前都宣誓過做童軍。」
有指華仔等被人投訴未經申請而穿著童軍制服，且制服也不合規格，華仔說：「戲服嚟啫，唔好咁緊張，我哋着得咁健康，唔會有影響嘅。」
千嬅避鄭中基
至於緋聞男女鄭中基、蔡卓妍（阿Sa）及楊千嬅亦有同場，方力申與鍾欣桐這對也雙雙出現。阿Sa對於有關鄭中基的緋聞表示不回應，問到願不願意和他合照時，阿Sa說：「我做自己嘢，唔會避，撞到咪影囉，我唔介意。」而鄭中基就設計了金牌校章給同門歌手戴上，他表示同公司一間化妝間，還未見到阿Sa，他又表示不介意與千嬅再合照，問到聲沙是否因新歡舊愛同場，嚇到失聲，他儍笑並說：「我食咗辣嘢咋，呢個話題好悶。」
而當金牌四歌手合照時，千嬅不願站在鄭中基旁，中間隔着古巨基，被問到鄭中基只認她是女友，千嬅說：「咁緊張？走咗三日咁精采？都過咗去啦，唔好次次用呢啲宣傳。」
此外，鄭中基的《無賴》、劉德華的《我得你》及陳奕迅的《夕陽無限好》成為十二首入圍金曲的三甲，但無綫不公開三人的排名。
採訪：李珮洳、卓美娟
攝影：何國豪
