荔枝角美孚新邨，見證香港幾十年嚟市區面貌變遷，由以往臨海變成內陸物業，地鐵、西鐵相繼通車，由六十年代位處九龍市區邊陲，轉化為今日交通要衝。 物業四周發展迅速，好似前九巴車廠重建，一年唔夠，單係基座（圖）已有十幾二十層高，美孚四、八期向東南座別，喺呢個超高基座之前，幾乎沒頂，向東南單位，由望海變咗面壁。市區發展之快實在驚人。