鄭中基、方力申、關心妍和周麗淇等昨日到葵芳出席人氣歌手頒獎禮，鄭中基的緋聞近日不斷成為娛樂版的頭條，對於早前有周刊指他入行八年傳過緋聞的女友有十四個，鄭中基昨日就公開表示只得楊千嬅是真的，公然當緋聞女友蔡卓妍冇到。
鄭中基、方力申、關心妍、周麗淇、薛凱琪、傅穎及許懷恩等一大班歌手昨日到葵芳出席某雜誌舉辦的「ＰＭ第四屆夏日人氣歌手頒獎禮」，共頒發近四十個獎項。近日成為緋聞之王的鄭中基就奪得「人氣至尊歌手大獎」，對於有雜誌以匿名的方式指鄭中基和方力申齊齊看中大胸女歌迷，方力申表示只是虛構故事不用回應，兩人還即場搞笑演繹昅人經過。
「人哋嗰啲都放落嚟」
而鄭中基近日緋聞多多，被周刊列舉入行八年傳過緋聞的女友就有十四個，當中自然包括唯一公開承認戀情的楊千嬅，至於最新緋聞女友蔡卓妍（阿Sa）亦都榜上有名，不過鄭中基就說：「人哋個啲都放埋落嚟。（當中邊個係你女朋友？）只得一個楊千嬅，其他十三個都唔係我嘅。（唔怕阿Sa嬲咩？）嬲乜啫，咁係真㗎嘛，點會有佢份啫！」
怕傳感冒保持距離
而傳因爭寵鬧不和的關心妍（Jade）和周麗淇（Niki）昨日則前後腳到場，兩人被邀影合照時還刻意保持距離。阿Jade甫到場更向記者透露出碟無期，她說：「今年冇乜期望有好成績，因為都年尾仍未有新歌，自己都有催公司。」
對於被指合照時站到老遠，Niki就解釋說：「你哋太敏感，唔係貌合神離，只係我有感冒唔想傳染畀大家。」至於阿Jade暗示出碟無期，Niki就說：「我真係唔清楚，可能遲少少，叫佢等吓先，佢注重質素，慢工出細貨。」
採訪：駱華齡 攝影：葉君海
