特首曾蔭權前晚到紅館欣賞徐小鳳演唱會，獲小鳳姐送贈兩個波點圖案煲呔，與她的經典波波裙相輝映。小鳳姐又謂希望特首批准讓四十歲的女士年齡改細十年，十分搞笑。
徐小鳳在紅館舉行的「金光燦爛徐小鳳演唱會2005」前晚舉行第二十場，特首曾蔭權（煲呔曾）伉儷同往捧場，小鳳姐則請來譚詠麟和容祖兒任表演嘉賓。
「我都諗過做特首」
小鳳姐說：「我今晚心情好緊張，因為有一位香港嘅光榮，佢為香港默默耕耘好多年，佢就係特首先生啦，原來默默耕耘係可以做特首㗎！」全場觀眾掌聲雷動，曾蔭權也笑得開心，小鳳姐繼續說：「我都諗過做特首㗎，都唔係咁難啫，頭先我握手時忽發奇想，我見到好多女士都後生咗好多，女人嘅年齡係一個大問題，希望特首可以特赦，四十歲女人嘅年齡可以改細十年，咁世界就好歡樂啦！」
小鳳姐送上兩個煲呔樣辦給曾蔭權，一個是黑底白圓點，一個是白底黑圓點，與小鳳姐的經典波波裙相映成趣，小鳳姐謂若特首滿意，便會依樣製作再送給他，她說：「我諗唔到有乜禮物送畀你，有黑有白任你襯。我下次一定會着波波裙，唔係點襯特首嘅波波煲呔？唔知底衫褲使唔使襯埋呢？都係唔好咁，亂晒龍啦，嚇到特首下次唔嚟咪慘！開場前有幸可以見到特首，佢教我一個秘訣，就係用平常心去做，所以佢好體諒香港人心情。我相信香港人要盡量配合特首先生，佢嘅演唱會先可以長開長有，我呢啲濕濕碎，香港人一定會同你一齊共度時艱。」
承諾結婚買一送七
而嘉賓阿倫上台時則與小鳳姐互笠高帽，小鳳姐表示與阿倫是同期歌手，阿倫卻說：「我唔係四九年出世㗎喎！」阿倫唱《暴風漢子》時，小鳳姐情緒高漲得除去外套，其中一塊黑色珠片脫落，貼着小鳳姐的腋下，阿倫則拿着小鳳姐的外套揮舞，他說：「我唔會隨便霸佔你嘅波……波裙嘅！」
另外，容祖兒出場時即問小鳳姐何時結婚，小鳳姐說：「今次演唱會好多fans收到我送嘅訂情戒指，咁我就同fans結婚啦。不過千祈唔好鍾意我，一鍾意我就會送嘢畀你，我會買一送七，一家八口。」
前晚東海集團的鍾師傅上台表演跳舞，還捐出十一萬三千三百三十元作慈善用途。
採訪：李珮洳
攝影：葉君海
