周汶錡前晚與陳嘉容一起加盟新經理人公司，布景板上兩人的宣傳照成為焦點，周汶錡的彩色大頭照比陳嘉容的黑白全身相搶眼，陳嘉容則以七位數字轉會費贏回一仗。
周汶錡與陳嘉容前晚盛裝打扮到中環出席加盟LOOK國際模特兒經紀公司記者會，向海嵐、滕麗名、文頌嫻、李璨琛及王秀琳等都有到賀。
感覺高興似碧咸
記者會的布景板上，周汶錡的彩色大頭照比陳嘉容的黑白全身照來得搶鏡，有指一山不能藏二虎，周汶錡是較得寵的一個，她說：「我哋都唔同style，幅相係公司揀嘅，冇理由一間公司得一個人，有幾個人好正常，唱片公司同電影公司都唔止一個歌手同演員啦。」陳嘉容則說：「我哋唔會爭，都唔同style，我一年前開始傾嘅時候，都知佢會加盟，咁重開心啦。」
陳嘉容又表示今次獲七位數字轉會費，感覺有如球星碧咸一樣，相反周汶錡則透露沒有轉會費，她說：「我唔係講錢㗎，係睇工作量，工作做得好，好過畀幾千萬我！我要衝出亞洲，為港爭光。」
割腫瘤腋下留疤
周汶錡被發現左邊腋下有一道疤痕，她解釋說：「係幾年前發現有淋巴良性腫瘤，割咗嘅疤痕，我唔想人哋亂寫先講出嚟，我個胸百分之百係真嘅。」
此外，滕麗名被問到有指李蘢怡客串演《窈窕熟女》，壓倒原先四位「老餅」女主角，她表示：「你哋講年紀呀？佢係咪重有奶騷味呀？佢打boxing真係贏晒，我就唔識打。」
採訪：楊潔雯 攝影：林德雄
