【本報訊】「嘩！唔使𡁻就咁吞！得人驚！」首次來港參賽的國際競食大賽五連冠小林尊，昨氣定神閒鯨吞八十三個餃子，輕易擊敗本港挑戰者，其一口氣「吞」一、兩個餃子的絕技，藝驚四座；但本地大胃王也吃掉七十六個餃子，只輸一個馬鼻：「小林留力咋，總決賽（今日）佢食叉燒包重勁。」 記者：翁煜雄
憑勁食車仔麵進入「大食一番爭霸戰」準決賽的三十名男女，昨於黃埔蔡瀾美食坊接受八分鐘鬥吃餃子挑戰；一籠十個的餃子，每個約有六厘米長，麵皮內滿是菜餡，香氣撲鼻，但參賽者多無「憐香」心，舉手即塞進口，菜餡被噴得滿枱皆是；也有的「滋油淡定」，令旁觀者忍不住說：「好似喺茶樓歎點心咁。」
全場嘩然：唔使𡁻
參賽者分批比試，紀錄屢創高峯，終推至六十多個餃子；尾場全場起哄，因小林尊終現身「騷」肌肉，同場曾以三十九秒七五極速食車仔麵的劉達源稱：「點贏小林呀？」結果他吃了四十一個。
賽事開始，小林施施然拿起蒸籠蓋子，首次吃香港餃子的他先欣賞一番，才以筷子輕輕夾起餃子放進口裏，此時全場嘩然：「佢唔使𡁻㗎！」小林笑着再吞另一個，骨碌！餃子由小林喉頭滑下去，女司儀笑說：「直落嘅？」小林更夾起兩、三個同時放進口，當發現其他參賽者的蒸籠仍放滿餃子時，便放慢步伐。
在進食期間，只見小林不斷搖晃身軀：「這是我吃東西的節奏，可幫助消化呢。」他透露：「我訓練到不用咀嚼便吞掉東西。」
坦言要留力今比試
八分鐘過後，小林終「殲滅」八十三個餃子，名列第二的本港挑戰者Johnny也「幹掉」了七十六個，獲小林讚賞。
重二百三十磅的Johnny說，曾愛吃肥豬肉，重量高達二百七十磅，後因醫生告誡而減肥：「今次唔驚，因為食菜餃；食叉燒包就驚。但好難贏到小林嘅！」而小林在賽後也坦言：「要留力（今天）吃叉燒包。」
另一名參賽者譚耀忠頗「出位」，比賽時站起來隨着音樂扭來扭去：「學小林嘛，喺電視見佢係咁郁。」他亦「學有所成」，吃掉六十七個餃子，排第三。
有女將吃51個餃子
平日儀態萬千的女士也不甘雌伏，吃得最多的「女戰士」蔣詠雯吃掉五十一個，但游少芝皺着眉吃了十五個，吃得最少：「唔鍾意食呢隻餃。」
最後六強今日會與小林在十二分鐘內鬥快吃叉燒包。
