準備在今個月底舉行《歌者戀歌濃情三十年演唱會》的校長，在娛樂圈數十年，每個人見到他，也會叫他一聲「校長」，不單是他的歌藝才華少人能及，更因為他待人接物揮灑自如，成為很多後輩的學習榜樣，不過在他眼中，接班人仍未出現。
華仔硬繃繃
校長說：「我重未睇到有接班人，克勤喺某方面得，好似歌藝同作戰狀態，但係佢處事重未得，未有我咁好，睇嘢冇我深遠同咁闊，簡單講句冇咁豁達，但係呢啲要經驗儲番嚟嘅。至於華仔（劉德華）呢幾年就好啲，以前硬繃繃，但𠵱家會調轉頭諗吓人，睇開咗。」
永不言休是校長的宗旨，他現在對工作仍然衝勁十足，校長說：「我冇諗過退休㗎，我二十五歲，心態同生理方面都做到好足㗎，而且好多時都係歌迷畀支持我，今次演唱會主題係懷舊，會將之前三十年嘅片段搬番出嚟，因為好多歌迷都係同我一齊經歷、成長。」