楊千嬅日前為港台主持節目《千方百計》，訪問著名女作家林燕妮，林燕妮在節目中與聽眾剖白她的寫作心得及愛情觀，她說：「其實少女時代嘅戀愛係最精采，因為夠真，乜嘢都夠膽去做。個個人都應該珍惜，人愈大就會成熟，咁就冇咁精采，愛情點解唔動人就係因為冇咗刺激。」
結婚似起樓
林燕妮對婚後的生活有另一見解，她說：「結咗婚係兩個建築師喺度起間屋，係一個建築工程，點樣建立一個家，如果當結婚係戀愛嘅延續一定好失望，但係兩個建築師合作可以擦出火花，一樣好開心。」