一句「我冇乜所謂」，確實能簡單直接形容校長，每個人與校長談話中，最多聽到的，就是震天的笑聲。
似乎凡事看輕，會是校長能保持二十五歲養生之道的原因吧。
要易地而處
校長說：「其實做人最緊要有目標，好似呢半年嘅目標就係開演唱會，咁咪努力咁做。只要過到自己嗰關就得，保持二十五歲嘅作戰狀態就得喇，凡事調轉睇，喺人哋角度諗吓，如果唔係人身攻擊，就冇乜所謂，唔使睇得咁緊。要我發脾氣鬧人真係幾難，我諗一生人只係得五次啦，就算要發洩嘅話都唔會打人，至多咪打吓波，或者同人傾吓偈。」
校長列出一天的生活，他說：「每朝我實準時係八點起身，跟住餵吓魚，睇報紙，之後咪打電話，同銀行啲職員傾吓偈，之後就會做運動，如果重有少少時間未開工嘅話，我就會小睡二十分鐘左右，不過我其實每日只係瞓四個鐘。」
平時的生活，校長不算多姿多采，果然是平淡是福。