在娛樂圈打滾了數十載、遇過無數風浪的譚詠麟，面對感情、是非等問題，總能發揮四両撥千斤功力，巧妙地回答所有問題，興之所至更附送一大堆笑話，但當提到愛兒曉峰時，即大耍太極，保護愛兒之情不言而喻。
家庭篇：維護愛兒
向來遊戲人間的譚詠麟，日前接受訪問時幾乎甚麼都是暢所欲言，提起曾志偉腳傷，校長答得很快：「佢都係等割！」談到徐小鳳的演唱會時，一本正經的他，即嘟起嘴扮小鳳姐唱歌。娛人娛己，大家也開心。
不想有牽連
惟獨是談到自己的家人及兒子曉峰時，校長即大耍太極，先笑說與記者淺酌後才肯爆心事，但最後還是擺起老竇款，認真地說不回答。
問到是否為了保護形象？校長說：「點會為咗保護形象？我𠵱家重有乜形象？我點答你？唔關呢一行事嘅人咪唔講囉！自己做呢行，就自己一個去面對，免得過都唔想有乜牽連。我唔係刻意去保護，只係唔想煩，哈哈！其實有邊個人鍾意曝光？如果問『唔公開係咪好唔公平』，其實呢啲只係外人嘅睇法，公唔公平只係屋企人去諗就得喇，其他人唔使擔心喎！」
雖然校長絕口不提家庭，但偶然也會被傳媒拍得與家人外旅，或者在假日一家大細到鬧市進餐享受家庭樂。言論小心，行為卻毫不避忌，或許校長只是想愛兒有個愉快的童年。
採訪：王連連
攝影：陳偉權
場地提供：王子酒店ICY餐廳
