李樂詩前晚在香港理工大學賽馬綜藝館舉行一連兩場演唱會，男友杜德智及好友黃凱芹擔任表演嘉賓，石修及兒子陳宇琛、郭錦恩、蔣怡和男友翁狄森等都有捧場。
李樂詩前晚穿上多套性感舞衣上陣，又施展渾身解數，與男友杜德智大跳salsa貼身舞，兩人胸貼胸，勁度十足，李樂詩事後說：「我跳咗十年舞，男友一直係我partner，舞步好多身體接觸，就算要跳都會揀同有風度嘅人一齊跳，我都見過有啲男人跳得好粗暴。我男友係一個好舞伴，亦係好男友，佢呢次咁落力，我會買佢鍾意嘅車厘子畀佢食。」
歌贈未來奶奶
李樂詩前晚還大唱未來奶奶張露的歌曲《愛的咖啡》，她說：「Alex（杜德偉）同張露聽晚先嚟睇，我仍然會唱張露首歌，等佢驚喜一吓。」
採訪：胡比
攝影：陳偉權
