由泰國武打巨星TonyJaa（柏朗伊雲、右）主演嘅新片《冬蔭功》前日喺香港開畫，票房已經有一百一十八萬，打破咗香港開埠以嚟泰國電影嘅最高開畫票房紀錄，真係犀利。而徐克導演嘅武俠電影《七劍》上畫三個星期，雖然之前有話香港同台灣嘅票房成績麻麻，但喺內地就啱啱相反，前日發行商喺慶功宴上公布內地票房已達到六千一百萬，真係可喜可賀嘞。