喺潮州鄉里中備受尊敬，喺金融界地位崇高嘅莊世平，噚日以95歲高齡，搞咗個莊世平藏名家書畫展，同時首次發行「莊世平九秩晉五榮壽紀念冊」及「莊世平」專題片首映，咁大件事，當然不能馬虎，長實主席李嘉誠同中聯辦主任高祀仁，都有畀面出席，數百名嘉賓擠滿大會堂低座，場面十分熱鬧。
莊老喺解放期間，捐咗唔少錢支持大陸發展，解放後又引進唔少僑胞返內地投資，香港區第一屆人大代表就係由佢出任，開會後更獲得當時嘅總理周恩來親自接見。莊老喺佢嘅自傳專題片中披露，李嘉誠喺汕頭興建大學都係佢提出嘅主意，後尾大學受師資問題困擾，最後莊老同李嘉誠向鄧小平提出問題先獲解決。
傳真︰2623-9278
電郵︰[email protected]