古巨基早前與吳佩慈為新歌拍MV，當對方坐在基仔大腿時，他竟突然大叫，似被坐中重要部位，而原來基仔只是被吳佩慈坐到大腿骨，感到疼痛才忍不住慘叫。
古巨基日前為新歌《天才與白痴》拍攝MV，特地請來台灣美女吳佩慈任女主角，二人有不少纏綿親熱鏡頭，其中導演安排吳佩慈坐在基仔大腿上，基仔竟突然大叫，嚇得吳佩慈馬上起身，眾人以為吳佩慈弄痛基仔重要部位而忍不住大笑，場面尷尬。
手汗同樣勁
吳佩慈大發嬌嗔，要導演示範一次，當導演坐上基仔大腿時，基仔又一樣大叫，導演火速彈起，基仔不好意思地說：「你哋坐親我大髀嚿骨呀，就算我有心理準備，但要嚿骨承受一個人嘅重量，都係有少少痛，所以我先忍唔住叫咗出嚟。」
為感謝吳佩慈友情客串，基仔特別挑選了一份禮物作答謝，他說：「佢特登喺台灣飛過嚟幫手，到埗後酒店都未去，即刻走嚟拍，一拍就二十二個鐘，又要做好多感情戲，真係好幫手。」基仔謂合作過後，才知吳佩慈與他有一個共通點，基仔說：「我哋有場拖手戲，拍之前我已經抹乾晒啲手汗，同佢講聲話我手汗多，希望佢唔好介意，點知佢話佢都係大手汗人喎。」
發揮創作力
在今次新碟中，除以七十及八十年代的經典金曲作為歌曲名稱外，有份兼任監製的基仔，亦有參與部份歌曲的曲詞創作，發揮天份。
