梅艷芳兄長梅啟明同梅媽覃美金早排為咗阿梅嘅遺產問題鬧上差館，噚日又喺中環碼頭舉行「812懷念梅艷芳簽名會」。雖然名義上懷念阿梅，實際上係聲討阿梅生前嘅朋友，佢哋喺現場掛滿橫額，話某保險公司高層謀財害命。
梅啟明要求市民簽完名之後先可以攞阿梅紀念品，但簽名嚟做乜，市民十個着咗九個都唔知，就連梅啟明都答唔出。
最搞笑嘅係，梅媽將有關阿梅嘅文件貼通街，但部份文件原來係屬於梅愛芳，佢哋將個「愛」字畫咗，改為「艷」字嚟混水摸魚，又用大聲公當街唱衰阿梅好友連炎輝，咁嘅懷念方式，相信阿梅在天有靈都唔會高興。
公開個人資料
本來連炎輝為咗尊重阿梅，一直以嚟都好忍讓，但噚日梅啟明竟然將佢啲個人資料貼通街，所以決定向梅媽同梅啟明採取法律行動。
