貴為立法會主席嘅范太，其實都係直選產生，不時都要同選民接觸，所以范太臨放暑假前，就帶咗二百個街坊去沙頭角同大霧山一日遊，探索一吓香港生態環境，唔少隨團街坊見到范太帶隊都好興奮，爭相要同范太合照。
數數埋埋，范太都有三個地區辦事處，原來唔同區嘅辦事處，接到嘅投訴個案都唔同，南區主要關於公屋式嘅投訴，好似要求調遷，處理家庭糾紛咁；東區嗰度就比較多啲地區衞生問題；中區多數係大路嘢多，好多市民都會要求范太「處理」一啲議員，聽講長毛、阿涂都榜上有名。之不過，范太都只不過係一個主席啫，好難去整頓議員嘅。
傳真︰2623-9278
電郵︰[email protected]