曾執導動畫《獅子王》和《一家之鼠超力仔》的RobertMinkoff，日前專程來港會見有線高層徐小明，雙方有望合作，將中國人熟悉的虛構人物拍成動畫，RobertMinkoff帶了孔子後人孔令奇同來，孔令奇則送了一條西藏褲給徐小明，寓意「大富大貴」。
曾執導荷李活動畫《獅子王》和《一家之鼠超力仔》的美國導演RobertMinkoff，日前與孔子第七十六代後人孔令奇來港，與有線節目部執行董事徐小明會面，商談合作拍電影事宜。
徐小明接受本報電話訪問時透露，有線的驕陽電影公司可能和RobertMinkoff在動畫電影方面合作，徐小明說：「我之前喺北京已經見過RobertMinkoff，咁啱有朋友識佢，佢今次專登嚟香港同我交換吓對電影嘅心得，同埋傾吓合作嘅可能性。佢對中國嘅嘢好有興趣，手頭亦有幾個劇本，佢擅長拍感情戲，題材啱嘅話大家可以合作。」
獲贈西藏褲
徐小明續說：「我好欣賞佢嘅動畫創作，亦有諗過將其中一個中國人嘅偶像做動畫image，佢聽完我個古仔亦好有興趣。」問徐小明「中國人的偶像」是否李小龍？他說：「唔係，係大家都知嘅虛構人物。」
徐小明又收到孔令奇送贈的西藏褲，他說：「佢送條褲畀我，係取『大富大貴』嘅意思，其實佢係半個竹升仔，喺美國大嘅，如果將來有機會，唔排除可以合作。」
採訪：張止寒