劉曉慶和鄧萃雯近日在橫店合拍新劇，對這位港產女星百般呵護，令雯女相當感激。雯女表示若劉曉慶是男人，定會以為對方欲追求她。
內地影后劉曉慶近日首次與鄧萃雯合作，在橫店拍攝內地劇《徽娘宛心》，二人可謂一見如故，雯女大讚劉曉慶有如大姐姐般對她多方照顧，讓她對內地演員留下甚佳印象，還表示希望日後有更多機會與內地演員合作。
望打響頭炮
雯女日前說：「劉曉慶一直建議我多啲到內地發展，今次呢個劇都係佢幫我揀嘅。佢重話我第一次拍內地劇，一定要打響頭炮，所以千挑萬選揀咗呢個劇本。」
雯女謂甫到達劇組報到，就發現所有人都對她很熱情，估計是劉曉慶曾交帶他們要多照顧她，雯女說：「雖然我同佢對手戲唔多，但只要佢喺度，就一定會請我食飯，劉曉慶話喺佢地方，一定要由佢畀錢，又借私人助手服侍我。如果佢係男人，一定會以為佢追我㖭。」
劉曉慶盡地主之誼，雯女也禮尚往來，由於橫店氣溫甚高，有時接近四十度，每天拍戲都會熱得一身汗，雯女帶備了兩部手提電風扇，於是便送了一部給劉曉慶。雯女笑說：「下次佢嚟香港，我一定要請番佢食飯。」
物色經理人
雯女首次拍內地劇，她表示內地的拍攝比香港仔細，燈光一定要打得最好為止，拍得演員漂亮好看才肯收貨，令她相當有滿足感。雯女以後將多接內地工作，故打算物色一位內地經理人。
