梁敏儀入住的大坑唐樓寓所近期因三度出現黑蜂竇，故她上月已急急腳搬屋，遷入月租約一萬五千元的堅尼地道千呎新居，她指新居旺事業。日前梁敏儀在好姊妹蔣雅文（Mandy）陪同下出現銅鑼灣執平貨，滿載而歸。
梁敏儀（Winnie）本來獨居於大坑浣紗街一唐樓的四百五十呎單位，月租近七千元，但據知她上月底已搬出，遷入月租約一萬五千元、面積九百三十五呎三房一廳的堅尼地道新居。
好姊妹相陪
日前本報在銅鑼灣見Winnie與蔣雅文逛街，當時Winnie身穿便裝，Mandy則戴上鴨舌帽及孭着大背囊，二人步進一間家具店後不停指手畫腳，既看燈飾又看家具，約逗留四十五分鐘後，Winnie終揀中一張價值九百九十九元的小摺枱，店員將小摺枱拆開後再分成兩袋給她們即時拿走。
新居旺事業
及後Winnie與Mandy步行到咖啡店購買飲品解渴，接着到京士頓街的十元店掃貨，購置大批家用膠貼及小物品，但二人意猶未盡，又往附近一寵物店買狗糧，然後同乘的士返Winnie新居。
對於細屋搬大屋一事，日前Winnie接受本報查詢時直認不諱，她在電話中說：「我係搬咗屋，因為喺五月左右，我發現間屋出便窗台有個拳頭咁大嘅黑蜂竇，嚇到我即時搵滅蟲公司，點知隔咗兩個禮拜又有，再隔一個禮拜又有，好驚呀，所以咪搬屋囉，呢次我係同爹哋媽咪一齊住，因為嚟緊要拍劇，媽咪可以幫我照顧啲狗。」問Winnie曾否請風水師睇新居風水？她說：「有呀，佢話呢間屋會旺我事業，又真係幾巧合喎，一搬入嚟好似幾順，開劇之餘重有其他工作傾緊㖭。」
採訪：朱倬誼 攝影：娛樂突發組