姚煒日前去大埔滌濤山睇樓，重好爽快咁用七百零八萬買咗一個面積一千四百六十呎嘅單位，姚煒唔係買嚟自住，只不過係買嚟投資，原來佢幾鍾意買新界區嘅物業嚟投資，佢參觀完滌濤山嘅豪宅後，覺得嗰區環境好清靜，所以就買咗。姚煒𠵱家都未決定層樓要嚟收租定係轉手，馮仁昭知道層樓如果租出去，月租都要成二萬五千蚊。