【本報訊】民以食為天，美食博覽昨吸引數以萬名市民入場，部份豪花七、八千元「掃貨」；商戶則斥資逾百萬元砌出麵包屋及童話城堡，又備數千磅鮮肉、食不盡的月餅供市民試食，更以優惠價推售產品，有商戶坦言：「賺埋都唔夠投資嘅錢，但係宣傳價值就好大。」 記者：黃嘉寶、翁煜雄
去年吸引逾三十萬人入場的美食博覽昨日起一連五天於會展舉行，每年均前來的湯先生花約七千元選購產品，靈芝孢子便佔三千多元，「美食節平啲，約係市面嘅七折，樣樣都抵買。」陳小姐亦偕遠道由澳洲及廣州而來的親友掃貨，花約六、七千元購買燕窩、纖體茶等：「趁呢個時候嚟，一家嚟買嘢開心啲，啲嘢又平。」
不少展商均以會場優惠價吸引顧客，應節的月餅多較市面便宜一、兩成，並以送出贈品作招徠，如購買名古屋月餅滿六百多元可獲三百多元的炆炖寶；大班則送迷李冰皮月餅；美心則推出會場限定的大韓柚子及荔枝王子冰皮月餅。每年都吸引搶貨客的壽桃牌，又以超低價促銷，如由二百多元減至八十元的長壽麵線套裝。Pappagallo新出的意大利雪糕雲吞，亦由三十多元減至二十元。
標明豬肉來源
參展商的攤位多設免費試食，除各款月餅外，熱騰騰湯麵和香噴噴鮮肉都令人垂涎三尺。金蘭以自家醬油醃製燒豬頸肉，更標明「豬頸肉由河南省入口，請放心食用」，發言人稱：「驚啲人以為係四川豬吖嘛。」他說：「投資咗五十幾萬，幾日未必賺得番，但當係宣傳嘛，俾顧客食，好過用啲錢嚟拍廣告。」五豐行亦供顧客試食麵條及肉類等，更以模型介紹豬隻飼養至出售的過程。
不少攤位都大事裝飾，全場最大的美心攤位布置成童話城堡；大班亦以二萬多塊麵包砌成麵包屋，該公司經理Pauly說，今年人流明顯較去年多約兩成，料生意額會有雙位數增長。Pappagallo亦預料生意會增加一成。
