郭可盈昨日獲護膚品牌頒發「最具魅力女性大獎」，談到心目中的型男，郭可盈無懼夫婿林文龍呷醋，大讚劉德華最有男人味。
郭可盈、丘凱敏、寇鴻萍、深雪、設計師Ranee.K和CeceliaYau等，昨日在金鐘出席護膚品牌Laprairie贊助的「最具魅力女性大獎」。曹敏莉本來亦榜上有名，但由於她是另一護膚品牌的代言人，所以已通知大會無暇出席活動。
問可盈是否認為自己有女人味？她說：「啲咁多，唔同場合有唔同魅力。我覺得女藝人當中以關之琳最有女人味，除咗外表靚，身形好之外，又有爽朗性格，我係公開場合見過佢，但就冇合照。」未知其夫婿林文龍可覺她有女人魅力，可盈說：「咁要問番佢。」
可盈又大讚方中信、劉德華和古天樂有男人味，她說：「方中信淨係睇硬照，唔計佢把聲，而華仔就內外兼備，我曾視佢為夢中情人，我讚佢哋，老公唔會呷醋。」
丘凱敏欣賞劉翔
至於丘凱敏心目中最有女人味的藝人是汪明荃和鄭裕玲，至於心目中的魅力型男，丘凱敏說：「我覺得係劉翔，雖然奧運完咗，但我好欣賞佢行事低調，外表唔係咁重要。」換句話說，丘凱敏可是覺得田亮的行為太高調，她又說：「佢唔係我杯茶，但我欣賞佢識跳水。」
採訪：馮美茵
攝影：陳慧安
