坐落中環最佳地段嘅酒店式住宅FourSeasonsPlace近期開始招租，平均每呎五十三元，最低消費係每月兩萬八，最貴七萬五；面積五百零至近千五呎。首批一百八十個單位兩個月內已經租出八成，下個月初交樓。示範單位噚日曝光，大家睇吓靚唔靚？聽講過半數租戶係金融機構客，通常租期較長，多數係半年至一年，反映有唔少大行高層會留喺香港搏殺一段時間。
大業主恒地租務市場拓展部副總經理薛伯榮，同新地旗下SignatureHomes董事總經理趙靖詩，噚日向新聞界講解呢個物業詳情，佢哋估計若果全部五百一十九個單位租出，每年可以收三億租金。當然，收得貴租，都要畀番咁上下服務，除咗包晒各項雜費、有齊家傭服務及各式設施外，重有專人做顧問，幫啲海外嚟嘅行政人員適應香港生活。
傳真︰2623-9278
電郵︰[email protected]