名模楊崢上月以「樂施會基金大使」身份到非洲扶貧探訪，昨日她在北角樂施會大談此行的體驗，並現場展示兩棵大小懸殊的粟米，她說：「我哋去到嗰度教當地居民自力更生嘅方法，總好過長期只供應物資畀佢哋，呢兩棵粟米就係因為種子繁殖唔同，所以大細相差咁遠。」
楊崢表示此行令她體會到擁有豐裕物質生活不一定比貧窮的人過得快樂，她說：「我見當地居民啲笑容好似陽光咁燦爛，就完全可以印證精神上嘅富足先至係最難能可貴。我出發前覺得啲貧苦居民好慘，用同情憐憫嘅心態睇佢哋，去到先知自己呢個諗法好唔啱。同埋我呢一個禮拜嘅扶貧之旅，冇電話、電腦，同外間音訊隔絕，但反而過得好充實，好有意義。」
採訪、攝影：MaggieFung