有內地傳媒報道趙薇日前去咗北京溫榆河畔嘅豪宅區，原來佢喺嗰度買咗幢價值三千萬港元嘅豪宅，而嗰度最貴嘅一幢，要成六千萬港元，可以話係北京最豪嘅豪宅。趙薇幢樓𠵱家裝修緊，好大工程，幾乎全部都整過晒，趙薇重好緊張咁去現場親自監工，而佢間屋同王菲、李亞鵬嘅新居晴翠園只係一河之隔。