近日忙於綵排舞台劇的蘇玉華，日前拍攝Spa廣告，邊歎按摩邊賺錢，還帶挈經理人、家人甚至朋友免費做Spa，真是一舉多得。
藝人接拍廣告，既可賺取酬勞，又可獲廣告商源源不絕的產品贊助，絕對是優差。蘇玉華近日便獲IOSSpa邀請擔任代言人，酬金袋袋平安之餘，更可免費做Spa，近日她正忙於綵排舞台劇《新傾城之戀2005》，做Spa鬆弛身心正合她心意！
蘇玉華日前在尖沙嘴拍攝廣告，雖然當日拍足九小時，但她不但沒有半點倦意，拍攝完更疲勞盡消，事後她亦不禁說：「感覺好舒服，我真係想日日喺度住！」
加酬勞又送禮
蘇玉華第二年續約擔任代言人，問她酬勞是否可觀時，她說：「總之加幅滿意啦，老闆娘好大方，除咗送產品畀我之外，又免費贊助埋我經理人、家姐同朋友，總之合作愉快啦！」
蘇玉華原來還希望有機會擔任IT產品的代言人，因她一向對高科技玩意甚感興趣，蘇玉華說：「我好鍾意呢啲時尚嘢，雖然唔係吓吓要追求最新款，但我一係唔買，一買就會買最好，如果第時有機會做IT產品代言人，買起嘢上嚟都有折扣優惠啦！」
