楊婉儀（Winnie）產後兩個多月極速收身成功，回復至體重一百磅，早前她穿上多套比堅尼拍攝TheSpabySlimmingFound纖體廣告。已有十年沒有穿比堅尼的Winnie說：「十年前參加港姐，淨係出港姐外景時着過一次比堅尼，之後都冇着過，嗰陣時一百零六磅。」
網上交流湊女經
而放了近半年產假的Winnie日前復工，到老沃為無綫新劇《酒店風雲》宣傳，她說：「個女就嚟三個月大，一直都係我自己湊，有時會上網同喺『媽媽聊天室』嘅其他媽咪交流吓湊女心得，冇開工半年，我都估唔到原來自己會心思思想拍劇，嗰時大住個肚拍《酒店風雲》，拍到後期見肚，重着外套遮遮掩掩㖭！」