珈潁日前到珠海拍攝亞視旅遊特輯《大遊俠》，穿上bratop的她除了駕駛沙灘電單車「扽」親臀部、幾乎翻車外，隨教練乘坐水上電單車時，又不慎撞腫下顎，慶幸沒有大損傷。
珈潁日前隨亞視拍攝隊到珠海拍攝旅遊特輯《大遊俠》，穿上bratop的她玩沙灘電單車，展現青春和活力，豐滿上圍非常誘人。
問珈潁平時是否很熱愛戶外運動，她日前在電話訪問中說：「我其實都有玩沙灘電單車嘅經驗，不過呢次除咗喺沙灘揸車之外，重可以入叢林，由於條路好唔平坦，所以patpat就『扽』到好痛，最後就惟有企高揸，同埋減慢速度，有幾次都差啲翻車，我都嚇到花容失色。」
錫身雙重保障
除了沙灘電單車，珈潁又隨教練玩水上電單車，她很喜歡水上運動，亦擅於游泳，她說：「教練不停衝浪，我重俾一個以為好細嘅浪翻過，原來衝力好勁，我唔小心撞親下顎，都有少少腫，好彩冇損到。」珈潁表示每次出埠拍特輯，自己都會額外購買意外保險，以防萬一。
珈潁還抽空往浸溫泉，她說：「我好鍾意浸溫泉，公司今次安排我入住一間複式房間，拍完嘢好攰，我凌晨先浸溫泉，浸完疲勞全消，重好好瞓㖭！」
採訪：比華利
