「我冇問題，頂得順！」這是黃漢柱出院往試場前，對爸爸說的話。他自小脊骨彎曲，四肢無力，並體弱多病，會考前更因肺炎住進醫院的深切治療部兩個多月，接駁着呼吸機的喉管弄傷了喉嚨，仍舊拖着呼吸機，忍着痛楚，以口述形式完成數學科考試，其後再進出醫院五次，終完成了六科會考。雖然最後只有數學科及格，總成績只得兩分，已是他父母心目中的狀元。連同黃漢柱，今年甘迺迪中心共有六位會考生，衝破身體障礙，比正常人付出多百倍的艱辛完成會考。
為公司製作網站賺錢
鄭啟文甫出生四肢即發育不健全，短小的腿部只能扶着牆邊走路，執筆寫字也感吃力。「做完中文科，攰到成隻手好似廢咗！」他坦言因體力有限，溫習時間不能太長，考獲十分已較預期好，「對我哋嚟講，溫書溫通宵係冇乜可能嘅事。」啟文接到成績單後，立即被記者們團團圍着，中午過後才有空向不斷鼓勵他的女朋友致電報喜，「我話畀佢聽我全部及格，佢都話好戥我開心。」
李緒邦自幼父母離異，十一歲更因肌肉萎縮症而要坐輪椅。他從中三到現在已先後替五、六間公司製作網站賺錢，「我唔想媽咪有咁大負擔，啲錢可以自己出街用，又可以買鍾意嘅嘢。」緒邦雖然成績為全班之冠，得十五分，升讀中六的機會卻因中文科不及格而降低。他下午到培僑中學叩門時，自言「心情好輕鬆」，後來學校只答應放他在候補名單上。
同是患有肌肉痿縮症的章世恒，也要靠輪椅代步。年少時，當的士司機的爸爸要揹着重百多磅的他，上落百多級樓梯進出位於西環的家。他不枉家人的悉心照顧，會考獲得十三分，準備到香港專業教育學院進修多媒體電腦課程，實現製作電影配樂及圖像創作的理想，「我平時鍾意唱K同影相，想去陸佑堂影，但係上唔到啲樓梯。」
「人生最緊要站得穩」
「分數唔高唔緊要，人生最緊要站得穩。」患大腦痲痹症的歐志勇四肢會不由自主地搖晃，縱使他步履不穩，但矢志完成會考獲取安穩的生活，他只能勉強控制右手執筆寫字，最後取得十二分，「考試緊張，震得重犀利，但係考唔到會考，好難搵嘢做。」
本報記者