白鴿黨因涂謹申「滙標事件」搞到頭暈眼花，八方同好多人傾過，佢哋都擰晒頭，唔知點收科，因為如果出口叫阿涂辭職，一定會俾人鬧白鴿黨冇情冇義，而對手亦唔會因此而罷手，不如等老廉個報告，如果結果話阿涂冇誠信問題，當然一定頂落去，如果話有問題，咁就難搞。
阿涂一直係民主黨積極培養嘅第二梯隊人馬，將來同鄭家富等人準備接棒，如果真係被射下馬，白鴿黨嘅損失都好大。
八方聽聞，呢單嘢除咗民主派十分關注外，以煲呔為首嘅特區政府亦好關心，因為大概佢哋都覺得治港人才難求，買少見少。
傳真︰2623-9278
電郵︰[email protected]